ਭਾਈ ਰਾਜੋਆਨਾਂ ਨੂੰ ਜੇਲ੍ਹ ਵਿੱਚ ਅੰਮ੍ਰਿਤ ਛਕਾਉਣ ਵੇਲੇ ਗਿਆਨੀ ਗੁਰਬਚਨ ਸਿੰਘ ਅਤੇ ਹਰਨਾਮ ਸਿੰਘ ਧੂੰਮਾ ਟਕਸਾਲੀ ਨੇ ਸਿੱਖ ਰਹਿਤ ਮਰਿਆਦਾ ਦੀ ਘੋਰ ਉਲੰਘਣਾਂ ਕੀਤੀ ਹੈ । ਇਹ ਸਾਰੇ ਪੰਜ ਪਿਆਰਿਆ ਦੇ ਅੰਮ੍ਰਿਤ ਛਕਾਉਣ ਵੇਲੇ ਤਮਾਸ਼ਬੀਨ ਬਨ ਕੇ ਉਥੇ ਆਮ ਸਿੱਖਾਂ ਵਾਂਗ ਖੜੇ ਫੋਟੂਆਂ ਖਿਚਾਂਉਦੇ ਰਹੇ, ਜਦਕਿ ਅੰਮ੍ਰਿਤ ਸੰਚਾਰ ਵਿੱਚ ਇਨ੍ਹਾਂ ਦਾ ਕੋਈ ਰੋਲ ਨਹੀ ਸੀ । ਇਹ ਤਮਾਸ਼ਬੀਨ ਬਨ ਕੇ ਉਥੇ ਖੜੇ ਹਨ ਅਤੇ ਫੋਟੋਗ੍ਰਾਫਰ ਉਥੇ ਫੋਟੂਆਂ ਖਿਚ ਰਿਹਾ ਹੈ। ਗੁਰੂ ਗ੍ਰੰਥ ਸਾਹਿਬ ਦੀ ਹਜੂਰੀ ਵੀ ਨਹੀ ਹੈ। ਜਿਸ ਦੇ ਦੋਸ਼ ਵਿੱਚ ਇਹ ਸਾਰੇ ਤਨਖਾਹ ਯੋਗ ਹਨ । ਹੇਠ ਦਿਤੀਆਂ ਤਸਵੀਰਾਂ ਇਸ ਦਾ ਸਬੂਤ ਹਨ ।
ਸਿੱਖ ਰਹਿਤ ਮਰਿਯਾਦਾ ਅਨੁਸਾਰ ਅੰਮ੍ਰਿਤ ਸੰਸਕਾਰ
(ੳ) ਅੰਮ੍ਰਿਤ ਛਕਾਂਣ ਲਈ ਇਕ ਖਾਸ ਅਸਥਾਨ ‘ਤੇ ਪ੍ਰਬੰਧ ਹੋਵੇ। ਉਥੇ ਆਮ ਲੋਕਾਂ ਦਾ ਲਾਂਘਾ ਨ ਹੋਵੇ।
(ਅ) ਉਥੇ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਪ੍ਰਕਾਸ਼ ਹੋਵੇ......।
(ਜ) ਜਿਸ ਅਭਿਲਾਖੀ ਨੇ ਅੰਮ੍ਰਿਤ ਦੀ ਤਿਆਰੀ ਵੇਲੇ ਸਾਰੇ ਸੰਸਕਾਰ ਵਿਚ ਹਿੱਸਾ ਲਿਆ ਹੈ ,ਉਹੀ ਅੰਮ੍ਰਿਤ ਛੱਕਣ ਵਿਚ ਸ਼ਾਂਮਿਲ ਹੋ ਸਕਦਾ ਹੈ।
ਇਹ ਤਨਖਾਹ ਯੋਗ ਹਨ :
(ਠ)(6) ਗੁਰਮਤਿ ਦੇ ਵਿਰੁਧ ਕੋਈ ਸੰਸਕਾਰ ਕਰਨ ਕਰਾਉਣ ਵਾਲਾ
ਗਿਆਨੀ ਗੁਰਬਚਨ ਸਿੰਘ ਜੀ ਹੁਣ ਤੁਹਾਡੀ ਸਾਰਿਆਂ ਦੀ ਪੇਸ਼ੀ ਕਿਥੇ ਹੋਵੇਗੀ ?" ਸਿੱਖ ਰਹਿਤ ਮਰਿਯਾਦਾ ਦੇ ਨਿਯਮ (ਠ)(6) ਅਨੁਸਾਰ : ਗੁਰਮਤਿ ਦੇ ਵਿਰੁਧ ਕੋਈ ਸੰਸਕਾਰ ਕਰਨ ਕਰਾਉਣ ਵਾਲਾ ਤਨਖਾਹੀਆਂ ਹੋ ਜਾਂਦਾ ਹੈ । ਖਬਰਦਾਰ ! ਜੇ ਤਨਖਾਹ ਭੁਗਤਣ ਤੋਂ ਪਹਿਲਾਂ ਕਿਸੇ ਪੰਥ ਦਰਦੀ ਨੂੰ ਤੁਸਾਂ “ਸਕੱਤਰੇਤ” ਵਿਚ ਸਦਿਆ ! ਇਸ ਕੁਰਹਿਤ ਦੇ ਕਾਰਣ ਤੁਸੀ ਅਕਾਲ ਤਖਤ ਦੇ ਜੱਥੇਦਾਰ ਹੋਣ ਦੇ ਸਾਰੇ ਅਧਿਕਾਰ ਖੋ ਚੁਕੇ ਹੋ ! ਪਹਿਲਾਂ ਤਨਖਾਹ ਲੁਆਉ ! ਸਿੱਖ ਬਣੋ ! ਫਿਰ ਅਕਾਲ ਤਖਤ ਦੇ ਹੇਡ ਗ੍ਰੰਥੀ ਅਖਵਾਉ !
ਇੰਦਰਜੀਤ ਸਿੰਘ, ਕਾਨਪੁਰ
